Psa 140 | YomNWM | STEP | Nkunga Davidi kuidi pfumu minyimbidi. Wukhudi, a Yave, mu mutu wumbimbi ; wukheba mu mutu wu makhemi ;

Psalms 140

Bika wukhula mu mimvuezi

Nkunga Davidi kuidi pfumu minyimbidi.

1 Wukhudi, a Yave, mu mutu wumbimbi ;
wukheba mu mutu wu makhemi ;
2 bobo banyindulanga zikhanu zimbimbi mu mintima miawu
ayi bantombanga lumbu ka lumbu nuana mvita.
3 Beti kitula ludimi luawu meno banga lu nioka ;
mitsa mi bikusa midi mu bididi biawu.
4 Wukheba, a Yave, mu mutu wumbimbi.
Wuthanina mu batu badi makhemi ;
bobo beti kubika zikhanu mu buisa malu mama.
5 Batu ba luniemo bathambila makondi ;
bayalumuna minsinga mi makondi mawu
ayi bathambila mintambu muyenda nsolo ama.
6 A Yave, ndituba kuidi ngeyo :
“ngeyo Nzambi ama.”
Wa, a Yave, yamikina kuama bu ndintomba monono kiadi.
7 A Yave, mutu wumvanganga makazodidi
ngeyo nkudi ama wu ngolo
ngeyo weti kaka ntuꞌama mu lumbu ki mvita.
8 Kadi tala zitsatu zi batu bambimbi zivangama, a Yave.
Kadi tala ti zikhanu ziawu zinunga
nganu bela ba luniemo.
9 Bika mintu mi bobo banzungididi
mifuku kuidi ziphasi ziozi bididi biawu bitotula.
10 Bika makala ma mbazu mabua va bawu.
Bika balozo ku mbazu, ku tsi mabulu madi nyamba ;
babika buela telama.
11 Bika mimvuezi mibika zingila mu tsi ;
bika mabienga malandakana mu kambu vonga batu badi makhemi.
12 Nzebi ti Yave weti vana luvovomo lusonga kuidi nsukami
ayi wela nuanina minsukami.
13 Bukiedika, basonga bela zitisa dizina diaku
ayi batu badi mintima milulama bela zingila va ntualꞌaku.